فش فاش وفش فاشة والثلاجة؟؟؟؟

قاهرتهم · 26-11-2008, 07:58 مساءً

بسم الله..

السلام عليكم ..

كنت برى البيت مروح مشوار..خلصت شغلي سريع سريع كا العادهـ..

رجعت البيت..ودخل قلت خلني امر على فش فاشه اختي اسولف معاهآ..

ودخل الآ حاطه على عيونها خيار..وذب عمري على الآرض وجلس اصيح اصيح..

انا السبب ليه اطلع وتركها لحالهــــــــــآ..

وصيح عليها::من الي ماد يده عليكـ..ومورم لك عيونكـ

فش فاشه::خير ايش تقول انت..

فش فاش:: من مكفخك من ماد يده عليك خليني اطب في حوض بطنه..

فش فآشه:: ماحد ليـــــــه..؟

فش فآش::وليه حاطه على عيونك خيارات..!

فش فاشه::تبتسم ..ايش عرفك هذا عشان الراوس السوداء تحت العين.

فش فاش::الحمد لله ولا كنت ناوي انادي الولد فوش اخليه يجيب الرشاش ارش امه عشان يعرف ان الله حق...

المهم .. الآ الجوال يدق ..الا ابو حزام ..فش فاش اطلع انا برى واقف بنطلع مشوار..
طلعت وخلصناا مشوار ابو حزام..

ودخل البيت قلت خلني اروح ادخل غرفتي اشوف المنتدى..

وغرفت فش فآشه جنب غرفتي ونا مار كان الباب حق الغرفه فاتح..

وناظر الآ وجه فش فاشه الآ صاير لونه ابيض..وجلس اصيح اصيح
انا السبب ليه تركتها لوحدهـ..وجلس اواسيها فش فآشه المرض حق وهذا ترى بس برص..ايش رايك نروح المستشفى عشان ناخذ لك مرهم ونشوف الدكتور ايش يقول.

فش فاشه::ايش تخربط انت .
فش فاش::انتي ماتشوفي بعد شوفي وجهك في المرايه صاير ابيض.
فش فاشه ::تبتسم.هذا زبادي عشان يغذي البشره ويصفيهآ.
فش فآش::صز احلفي بقوهـ..الشرهه والله على الي ثاني مره يهتم..

مالكم في الطويله الآ باب البيت يطق..وروح اشوفه الآ ابو خراش..فش فآش ابيك تخاويني السياره فيها مشكله ونت تعرف في السيارات .. قلت ماعندك مشاكل مشينى ..

كل اخوياي مسميني في الجوال ((رجل لمهمات الصعبه))
لله درك يا فش فآش

المهم مالكم في الطويله..رجعت البيت قلت خلني اتابع مسلسل على قناة حلاهم الفضائيه .. ونا داخل الصاله الآ فش فآشه تفرك خشتهاا بلميونه..وجلس اصيح واصيح انا السبب ليه تركت فش فاشه لوحدهآ..

فش فاشه وانا اخوك..مضيعه انتي شكلك اولأ من مكفخك ومفقع وجهك خليني اكفر في مندوبه..وثنين قومي لثلآجه خذي مرهم وثلج كمدي وجهك فيه..موب بليمونه ..وجهك مره محمر صاير طماطه..

فش فآشه::انت ايش فيك مسوي الولد الي ياارض انهزي ماحد عليك قدي. لاحد مكفني ولا هم يحزنون.
فش فاش::طيب ليه تكمدين وجهك بليمون.
فش فآشه::ماكمده انا ايش عرفك انظف وجهي هذا تنظيف من الدهون والوسخ في البشره عشان بشرتي تطلع صافيه..

فش فاش::يلعن ابو مخي وطيبت قلبي الشره على الي يهتم والله لو اشوفك ميته اشوتك ومشي.

المهم روحت ونمت .. ومريح .. يوم جات الساعه 12 في الليل فقة من النوم..
وانا مروح ونتم بكرامه للمغاسل بغسل خشتي..الآ فش فاشه في غرفتهاا وكشتهاا لونها ابيض..

وجي مسرع وجلس اقراء عليهاا ونفث مسوي شيخ..

فش فاشه::وجع لآ تتفل علي وجع اطلع برى.
فش فاش:: قلبي انتي شايفه شي مرتاعه من شي.تكلمي لآ تخافين.
فش فاشه::لآ بسم الله علي.
فش فاش::طيب فشفوشتي اختي غناتي ليه شعرك صاير ابيض.
فش فاشه::تبتسم..هذا مايونيز عشان يغذي شعري وينمع التقصف.
فش فاش:: الشرهه علي وربي الي اهتم في وجهك << مهايطي كل شوي يقول ويرجع في كلآمه.

المهم وروح اغسل خشتي..ورجع الغرفه الا مكالمات لم يرد عليهاا..الآ رقم ابو حزام..وتصل عليه امر تدلل..قال تعال الآستراحه وجيب معك كذا وكذا..ونلعب بالوت..المهم وروح..

ساعتين ورجع البيت..ونا مروح غرفتي الا فش فاشه يابسه ومتشنجه في السيب الي بين الغرف..وناظر فيها بطرف عين قلت الشرهه على الي يسئلك..

في نفسي ان البنت تسوي تمارين اليوقاء..وفاهمه التمارين غلط..

ودخل غرفتي الا البنت ولا كلمه ولا حركه .. وقرب الا البنت صززززززز منصرعه..وشيلها المستوصف..

وبعد التحاليل والفحص ..

فش فاش::ها دكتور ايش السالفه ..ايش في البنت.
الدكتور:: ياحبيبي قل لبوك حط اكل في البيت..سوى تغذيه البنت مغمى عليها من الجوع.

فش فاش::اي تخربط الثلآجه مليانه.
الدكتور::مادري عنكم .

المهم ساعتين بعد المغذي الا فش فاشه رجعت لوعيهاا..وسئلها سلآمات ايش فيك..

قالت ايش عرفك طس عني هذا رجيم حاد .. عشان الوزن الزائد..

فش فآش::الشرهه والله علي..ماتاكلين الآكل والنعمه يادايخه تحطيهم على وجهك وكشتك..اتقي الله هذي نعمه غيرنا ماحصلهآ..وبغيتي تروحين في خبر كان وسبه الرجيم الي تقولينه.. لكن قرار من فش فآش بربط الثلآجه بسلسه زي سلسلة سياكل ابو هنود...قومي بس خلينا نمشي البيت...

((المواقف من نسج الخيال والمراد منها حكمه ورسم بسمه على براطمكم))

اتقو الله يابنات..هذي نعمه لآ تخربطو فيهآ..عسل+ليمون+بيض+زبادي+خيار+مايونيز..ـآلخ
نعــــــــــــــــــــــــــــــــــــــــــــــــ ــــمه لا تسيئو استخدامهاا

فيه مستحضرات تجميل ...........!

منقوووووووووووووول ..

قاهرتهم · 26-11-2008, 10:10 مساءً

يا هووووووووووو وين الردود افا بس..

استنى ردودكم الحلوة على احر من الجمر..

..#جنــووون حبــك..# · 27-11-2008, 12:51 مساءً

هههههههههههههههههههههههههههههههههه

يسلموووو قاهرتهم مرره فللله

وسعتي صدري

تقبلي مرووووري

وسلمت انااملك ..

ودمتي بووود ..

قاهرتهم · 02-12-2008, 04:18 صباحاُ

مشكورة يا قلبي على الرد المميز...

تحياااتي لك..

جروحي سبب صمتي · 02-12-2008, 04:38 مساءً

ههههههههههههههههههههههههههههه
هههههههههههههههههه
ههههههه
رووووووووووووووووووووووووووووووووووووعه
يعطيك الف عافيه
ولاتحرمينا من جديدك
تقبلي مروري وتحياتي اليك
جروحي سبب صمتي

معلومــات الموضــوع			روابـــط إضافيــة
	عنوان الموضوع فش فاش وفش فاشة والثلاجة؟؟؟؟	مشاركات 4	الموضوع التالي الموضوع التالي
	من يشاهد الموضوع	المشاهدات 45	الموضوع السابق الموضوع السابق

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طرق عرض الموضوع
العرض العادي الانتقال إلى العرض المتطور الانتقال إلى العرض الشجري

عدد الأعضاء الحاليين الذين يشاهدون محتوى هذا الموضوع : 1 ( 0 عضو و 1 ضيوف رائعــين )

.:: إعلانات الموقع ::.